Şirkətimiz tam yeni izolasiya materiallarını təqdim edir

12 oktyabr 2022 0000

---

Orxan Səfərov, Rapid Supply Solution MMC-nin direktoru

Rapid Supply Solution 2014-cü ildən fəaliyyət göstərir. Yüksək keyfiyyətli məhsullarımızın geniş çeşidi neft və qaz, inşaat, sənaye istehsalı və tərsanə kimi sənaye sahələrində səmərəli şəkildə istifadə olunur. “Rebuild Karabakh 2022” sərgisində şirkətimiz öz stendində Kimfor İzolasyon, Регион СпецТехно və LAPP şirkətlərinin məhsullarını təqdim edəcək.

“Kimfor İzolasyon” şirkəti tərəfindən istehsal olunan izolasiya məhsulu öz sahəsində tam yeni və ənənəvi izolasiya üsullarını dəyişdirəcək bir materialdır. Thermolock izolasiya məhsulu A1 yanğın sinifinə uyğundur (1000°C), digər tərəfdən tam olaraq ekoloji məhsuldur. Məhsulu istifadə edərək, yanğın, istilik, soyuq, səs və hidroizolasiya əldə etmiş olursunuz.

Ənənəvi istifadə etdiyimiz məhsullardan üstünlükləri aşağıdakilardan ibarətdir:

1. Məhsullar təbii kompenentlərdən istehsal olunduğu üçün, tam olaraq ekolojidir, ətraf mühitə heç bir ziyan vurmur və LEED (Enerji və Ətraf Mühitin Dizaynında Liderlik) sertifikatlarına malikdir. Bununla yanaşı gələcəkdə kif, göbələk, pas və digər xəstəliklərin yaranması mümkün deyil
2. Məhsulun istifadəsi nəticəsində istilik (0.047W/mk), səs (35DB qədər) və hidroizolasiya əldə etmiş olursunuz. Bunlarla əlavə mal tam olaraq nəfəs ala bilən məhsuldur
3. Digər izolyasiya məhsullarından fərqli olaraq, səthin üzərinə cəmi 2 sm qalınlığında vurulur və nəticədə binanız daha az ağırlaşır. Vurulan qalınlığın 2sm olmasına baxmıyaraq istilik izolasiya xassələrinə görə 150sm-lıq beton və 80sm-lıq kərpic divar ilə eynidir
4. Məhsulu istifadə etdikdən sonra, siz artıq dekor edilmiş səth əldə etmiş olursuz və bununla suvaq üçün çəkilən xərclərdən qurtarmış olursuz
5. İstifadə üsulu çox rahat olduğundan, həm zaman (eyni ölçüdə olan tikintini bizim məhsul ilə 2-3 dəfə daha tez bitirmək mümkündür) , həm də işçilik xərcləri baxımından qənaət əldə etmiş olursuz

Bundan öncə izolasiya prosesini həyata tam şəkildə keçirmək üçün sizə primer, daş yunu, möhkəmləndirici mesh, dupel, dekorativ gips və s. kimi məhsullar tələb olunurdu. Artıq bunları hamısının əvəzinə siz sadəcə Thermolock-i istifadə edib, həm xərclərinizə, həm də zamanınıza qənaət etmiş olursunuz. Biz tərəfimizdən əminlik hissi ilə deyə bilərik ki, qardaş Türkiyənin istehsalı olan bizim məhsul, Qarabağ bölgəsini innovativ və sürətli şəkildə yenidən qurulmasında və inkişafında ən uğurlu məhsul olacaq.

Sərgilər əməkdaşlığın inkişafı və genişləndirilməsi üçün geniş imkanlar açır. İnanırıq ki, “Rebuild Karabakh 2022” sərgisində iştirak şirkətimiz üçün uğurlu olacaq və yeni tərəfdaşlarla güclü işgüzar əlaqələr qurmağa imkan verəcək.

 

---