Eldar Tağıyev, "PROMEX TECH GROUP" şirkətinin satış direktoru
"PROMEX TECH" şirkəti xüsusi texnikanın istehsalı üzrə ixtisaslaşmış beynəlxalq Çin dövlət təşkilatı "XCMG"nin rəsmi distribütorudur. Şirkətin Fuçjou şəhərində yerləşən zavodu kran, yol, yanğın, karxana, sanitariya texnikası, yükləyicilər, üfüqi istiqamətli qazma qurğuları, yüksək hündürlük işləri üçün avadanlıqlar, tunel qazma kompleksləri, beton avadanlıqları, ekskavatorlar və xüsusi maşınlar istehsal edir.
"XCMG" texnikası (1360 adda məhsul) dünyanın 180-dən çox ölkəsində satılır, 300 xarici diler, 40 nümayəndəlik və 2000 xidmət nöqtəsinə malikdir. Şirkət Çin inşaat maşınqayırma sənayesində birinci, xüsusi avadanlıq istehsalçılarının reytinqinə görə dünyada 3-cü yerdədir.
"Qarabağın bərpası, yenidən qurulması və inkişafı" beynəlxalq sərgisi vasitəsilə biz ilk dəfə olaraq "XCMG"nin xüsusi texnikalarını təqdim edirik. Burada təqdim olunan heç bir markanın bizim kimi məhsulları və rəsmi zəmanəti yoxdur. Məqsədimiz təkcə Azərbaycan bazarına çıxmaq və istehlakçını xüsusi texnika ilə tanış etmək deyil, həm də Azərbaycanın Qarabağ iqtisadi rayonunun yenidən qurulmasına töhfə verməkdir.
Sərginin təşkilatçılarına təşəkkür etmək istəyirəm. Sərgi bizim üçün məhsuldar oldu! Artıq Şuşa, Laçın və Füzuliyə xüsusi texnikanın tədarükü üzrə müqavilə bağlamağı planlaşdırdığımız ilk müştərilər var.
AZ
EN
RU
